Aata hai sar imam ka bazm e Yazid mai

Mehshar bapa hai aale rasool e majeed mai 

Samaan e raks o esh hai kasre paleed mai

Seena zani hai itrat e shahe shaheed mai

Darbaar e aam mai tou sabhi ka hajoom hai

Sedaaniyo mai hy Hussaina ki goonj hai

Raahvi beyaan karta hai ab yu bachashm e nam

Daakhil huwa jo shaam mai sab lashkar e sitam

Pohunchi yazeed ko khabar e aamad e haram

Bola hussain par huwe mansoor aaj hum

Sar tasht mai dikhaaonga ibne rasool ka

Darbaar mai hou daakhila aale rasool ka

Paish e yazeed aya haram ka jo karvaan

Aghlab tha jaan dukhtar e haider ki hou rawa

Dekha yazeed ne jo masooma ko na gaha

Poocha ye koun hai tou kiya Shimr ne beyaan

Beti hai ye janaab e shahe mashriqain ki

Baali Masooma hai yehi dukhtar hussain ki

Bola yazeed dil mai tere aarzoo hai kya

Boli Masooma sar mujhe dikhlaade baba ka

Alkissa khulgaya rasan e zulm se gala

Tasht e talaa dikha ke ye haakim ne di sada

Alooda khaaq se hai tou khoon se bhara huwa

Le is mai tere baba ka sar hai dhara huwa

Par shart hai uthaake sar, na kijiyo tu bain

Aap hi se aae goud mai, tere sar e hussain

Sar poush ko uthaake pukaari wo noor e ain

E syeda ke raahate jaañ mustafa ke chain

Choone ko sar ko huqm nahi ghum ki maari hou

Ajao meri goud mai ‘gar tum ko pyaari hou

Dekha sabhi ne kaampgaya sar hussain ka

Bola masooma laadli tum par se mai fida

Pehlaao haath aya hou mai ghum ka mubtila

Ye kehke uttha tasht se farq e shahe huda

kaampi zameen takht e sitamgar ulattgaya

Beti se aan kar sar e sarwar lipattgaya

Mou rak ke mou pe bouli masooma ke ya hussain

Baad aapke mila na humme aik laahza chain

Pehnaae thay jo aapne gohar baazaib o zain

Un ke liye ye zulm huwa shahe mashraqain

Shimr e layeen cheen ke ye haal kardiye

Maare tamaache neele mere gaal kardiye

Kya kya na baad apke hum par huwi jaffa

Khaae tamaache shimr ke maabain e karbala

Aayi jo shaam mai tou bandha nunna sa galla

Muksoom mai jo likha tha hargiz na wo mitta

Bulwaalo paas sadme uthaae na jaaenge

Ab tou tamaache shimr ke khaae na jaaenge