Rab Janaiy Kayoun Saiyadañ Nu

Aiy Kufa Raas Na Aaya Aiy

Sardar -e-Arab Nu Kafan Day Vich

Ditta Mehnat Da Sarmaya Haaiy

Khulaiy Waal Tay Roundi Rehndi Aiy

Vich Kufaiy Di Aiy Shahzadi

Damaad Muhammad Musalmanaañ

Vich Masjid Qatal Karaya Haaiy

Keeta Zakhmi Chehra Saaf Saini

Bismillah Parrh Kay Babaiy Da

Ghash Aaya Sabr Di Malka Nu

Ditta Moat Da Dill Ghabrayaa Haaiy

Tu Khadama Ain Tu Dilaasa Day

Pardais Day Vich Mairi Bachrri Nu

Aiys Wastaiy Amma Qudrat Nay

Tain Tou Takht Tay Taaj Churraya Haaiy

Parrhya Aiy Janaza Nabiyaañ Nay

Keeti Rasm-e-Imamat Hassan Adda

Imran Da Bachrra Farshiyaañ Nay

Ajj Najaf Day vich Dafnaya Haaiy

Aadam Tou Lay Kay Isa Tak

Dainday Pursa Nay AbuTalib Nu

Mureed Ali Daiyaañ Shiyaañ Nay

Ajj Farash Tay Soag Manayaa Haaiy

رَب جانے کیوں سَیَّداںؑ نوں

اے کوفہ راس نہ آیا اے

سَردارِؐ عرب نوں کفن دے وِچ

دِتَّا محنت دا سرمایا ہائے

کُھلے وال تے روندی رہندی اے

وِچ کوفے دی اے شاہزادیؑ

دامادؑ مُحمدؐ مُسَلماناں

وِچ مسجد قتل کرایا ہائے

کیتا زخمی چہرہ صاف سینیؑ

بِسمِ اللہ پڑھ کے بابےؑ دا

غش آیا صبر دی ملکہؑ نوں

ڈِتَّا موت دا دِل گھبرایا ہائے

تُو خادمہ اَیں تُو دِلاسہ دے

پردیس دے وِچ میریؑ بچڑیؑ نوں

ایس واسطے اَمَّاں قُدرت نے

تئیں توں تخت تے تاج چھڑایا ہائے

پڑھئیا اے جنازہ نبئیاںؑ نے

کیتی رَسمِ امامت حسنؑ ادا

عمرانؑ دا بچڑاؑ فرشئیاں نے

اَج نجف دے وِچ دفنایا ہائے

آدمؑ توں لے کے عیسیٰؑ تک

ڈئیندے پُرسہ نے ابوطالبؑ نوں

مُریدؔ علیؑ دئیاں شیعاں نے

اَج فرش تے سوگ منایا ہائے