Ajj Taeen Paighambar Aahda Haiy

Imran Keetaiy Par Chaa Chohrro

Islam Day Pehlaiy Mohsin Da

Maindaiy Wango Sooag Manaa Chohrro

BaOu Arsa Jaindi Jholi Vich

Tayaar Risalat Theendi Raee

Jaindi Jholi Arsh Khuda Da Ha

Imran Di Shaan Dasaa Chohrro

Mairaiy Sar Tay Aaee Dastaar Jairri

Imran Powainda Raaiy Maiku

Nabvi Dastaar Day Baani Da

Hik Hik Ehsaan Ginaa Chohrro

Jain Pehli Waari Chumya Ha

Sar Mainda Paak Yateemi Vich

Hanj Maindi Daikh Na Sangda Ha

Imran Day Dard Wandda Chohrro

Imran Day Dar Tay Shoar Thaiyya

Maindaiy Qatl Day Jurr Samaan Gaaiy

Maindaiy Sar Tay Hath Imran Day

Tareekh Day Vich Likhwaa Chohrro

Mainku Saari Raat Samainda Ha

Ghurbat Day Wain Karaiynda Ha

Ajj Sam Gaaiy O Imran Mainda

Imran Day Wain Sunaa Chohrro

Maindaiy Nabvi Qadam Chowainda Raaiy

Tableegh Day Safar Dasainda Raaiy

Oundi Ajj Tak Qabar Veeraan Haiy Paee

Oundi Qabar Aabad Karaa Chohrro

Maqsoom Rasool Aiy Aahda Haiy

Imran Da Pursa Dayyou Mainku

Mainku Koee Par Chaa Wan Waala Naee

Tusaan Hik Baih Ku Gal Laa Chohrro

اَج تائیں پیغمبرؐ آھدا ھے

عمرانؑ کِیتے پر چا چھوڑو

اِسلام دے پہلے مُحسن دا

مینڈےؐ وانگوں سوگ مَنّا چھوڑو

بہوں عرصہ جئیندی جھولی وِچ 

تیار رِسالت تِھیندی رئی

جئیندی جھولی عرش خُدا دا ہا

عمرانؑ دی شان ڈسا چھوڑو

میرےؐ سَر تے آئی دستار جیڑی

عمرانؑ پوئیندا رئے مَئیکُوںؐ

نبویؐ دستار دے بانی دا

ھِک ھِک احسان گِنا چھوڑو

جئیں پہلی واری چُمئیا ہا

سَر مئینڈاؐ پاک یتیمی وِچ

ہنج مئینڈیؐ دیکھ نہ سنگدا ہا

عمرانؑ دے درد ونڈا چھوڑو

عمرانؑ دے دَر تے شور تھئیا

مینڈےؐ قتل دے جُڑ سامان گئے

مئینڈےؐ سَر تے ہتھ عمرانؐ دے 

تاریخ دے وِچ لِکھوا چھوڑو

مَئیکُوںؐ ساری رات سمئیندا ہا

غربت دے وین کرئیندا ہا

اَج سَم گئے او عمرانؑ مئینڈاؐ

عمرانؑ دے وَین سُنا چھوڑو

مئینڈےؐ نبویؐ قدم چوئیندا رئے

تبلیغ دے سفر ڈسئیندا رئے

اوندی اَج تَک قبر ویران ہے پئی

اوندی قبر آباد کرا چھوڑو

مقسومؔ رسولؐ اے آہدا ھے

عمرانؑ دا پُرسہ ڈئیو مَئیکُوںؐ

مَئیکُوںؐ کوئی پر چاوَن والا نئی

تُساں ہِک بیے کُوں گَل لا چھوڑو