Qasima Das Ki Taiyraiy Maiñ Shaggan Manavaañ

Mehmaan Tu Aj Di Raat Da Haiyn

Kivaiyn Mehndiyaañ Lavaañ

Qasima Taiyriyaañ Phuphiyaañ Nu Ki

Daiyvaañ Laag Vadhaiyaañ

Sariyaañ Bibiyaañ Ral Kay Taiyra

Sehra Laiy Kay Aaeeyaañ

Aiy Sehra Lavaañ Mathrraiy Tay

Ya Taiyri Qabar Tay Pavaañ

Hathi Shaggna Waali Mehndi

Mathrraiy Londiyaañ Sehraiy

Wattna Mal Mal Bandhiyaañ Ganah

Kardiyaañ Shaggan Bhataiyraiy

Kadouñ Tah-tul-Hanak Valaiyndiyaañ Han

Putraañ Ku Mavaañ

Ik Ik Vaari Saaraiy Ja Kay

Soundaiy Raiy Vich Bann Daiy

Thaañ Thaañ Khilraiy Raiyt Garam Tay

Tukrraiy Hassan Daiy Chan Daiy

Bibi Daiy Puttar Diyaañ Baniyaañ

Kaee Maqtal Gahvaañ

Banrri Aakhaiya Qasima Mainu

Chorrhaiya Allah Laiykhaiy

Dhiyaañ Baiywa Houn Tay Saanbhan

Aan Kay  Ous Daiy Paiykay

Mairaiy Na Souraiy Na Paiykay Raiy

Maiñ Ki Thaañ Javaañ

Banrri Di Maa Rou Rou Kay

Saiydaniyaañ Nu Samjhavaiy

Bibi Nu Aakho Qasim Da

Aj Na Kojj Rachavaiy

Jiss Dhee Naiy Fajraiy Ujjarr Jana

Onu Kinj Parnavaañ

Akhtar Bibi Aakhaiy Sab Nu

Rasiyaañ Maiñ Vartaiyaañ

Sariyaañ Hathi Pa Kay Kharriyaañ

Bhainaañ Tay Bharjaiyaañ

Ik Raat Di Parni Banrri Nu

Maiñ Kivaiyn Rasiyaañ Pavaañ

قاسماؑ دَس کی تیرےؑ میںؑ شَگن مناواں

مہمان تُوؑ اَج دی رات دا ھیں

کیویں مہندئیاں لاواں

قاسماؑ تیرئیاں پھوپھئیاںؑ نوں کی 

دیواں لاگ ودھائیاں

سارئیاں بیبئیاںؑ رَل کے تیراؑ 

سہرا لئے کے آئیاں

اے سہرا لاواں متھڑے تے 

یا تیری قبر تے پاواں

ہتھی شگناں والی مہندی

متھڑے لوندئیاں سہرے

وَٹناں مَل مَل بندھئیاں گانا

کردئیاں شگن بھتیرے

کَدوں تحتُ الحنک ولائیندئیاں ھَن

پُتراں کُوں ماواں

اِک اِک واری سارے جا کے 

سوندے رئے وِچ بَن دے

تھاں تھاں کِھلرے ریت گرم تے

ٹکڑے حسنؑ دے چَنؑ دے

بی بیؑ دے پُترؑ دِیاں بنئیاں 

کئی مقتل گاہواں

بنڑیؑ آکھئیا قاسماؑ مینوںؑ 

چھوڑئیا اللہ لیکھے

دِھئیاں بیوہ ہون تے سانبھن

آن کے اوس دے پیکے

میرےؑ نہ سورئے نہ پیکے رئے

میںؑ کی تھاں جاواں

بنڑیؑ دی ماںؑ رؤ رؤ کے 

سیدانیاںؑ نوں سمجھاوَے

بی بیؑ نوں آکھو قاسمؑ دا

 َاج نہ کوج رچاوَے

جِس دھیؑ نے فجرے اُجڑ جانا

اونوں کنج پرناواں

اخترؔ  بی بیؑ آکھے سَب نوں

رسئیاں میںؑ وَرتائیاں

سارئیاں ہتھی پا کے کھڑیاں

بھیناںؑ تے بھرجائیاںؑ

اِک رات دی پرنی بنڑیؑ نوں

میںؑ کیویں رسئیاں پاواں