Pardes mai Muslim ke yateemo pe jaffa hai 

Dariya pe paa e qatal adu leke challa hai

Chouta tou barre bhai ka mou dekh raha hai

Zor usko madad ka nahi mashghool e buka hai

Berehm ke kabu mai hai wo naazo ke paale

Har su nigraa hai ke koi aake bachaale

Choute ko barra bhai hai barh barh ke bachaata

Har baar hai mus’haf ki tarha beech mai aata

Ro deta hai kuch kehna ka mouka nahi paata

Besaakhta ik baat zubaan par hai ye laata

Sun haal ghareebo ka khuda ke liye dum le

Ab hum tere ghar mai kabhi aae tou kasam le

Sunta na tha mazloomo ki ik baat sitamgar

Dete thay nidha zouja e Haris ko ye barhkar

Ye jaante tou hum kabhi aathe na tere ghar

Mehmaano ko apne tu bachaati nahi madar

Churrwaade ke pokarre huwe zulfo ko adu hai

Amma nahi baba nahi jo kuch hai sou tu hai

Farzand ko di haaris e malaaun ne talvaar

Aur bolla ke sar kaatle in dono ke ik baar

Wo bolla ke mujh se ye nahi hovega zinhaar

Ye tu hi hai bad bakht o siyaah ruh o jafakaar

Haris tu pidar kis ka shaqi o azali hai

Ma syeda hai momino ke baap Ali hai

Tu koor hai zalim nazar aae tujhe kyu kar

Ye dekh nabi rote hai dariya pe khulle sar

Ye sunke utha Haris e malaun o sitamgar

Zalim ne kaha mujh ko nahi khof e payambar

Ik taigh talle dono biraadar ko bhitta kar

Sar kaata barre bhai ka chouthe ko dekha kar

Sar paas rakha laash ko dariya mai bahaya

Bhai ke galle ka jo lahu khaaq pe paya

Ulfat se biradar ka lahu joash mai aya

Tab jorr ke haath apne ye qaatil ko sunaya

Poocho ye lahu kurte se talvaar jhukade

Loutu barre bhai ke lahu mai jo riza de

Wo bola ke hou shouq se ghaltaa mujhe kya Dar

Bhai ke lahu mai wo laga loutne gir kar

Kehta tha barre bhai kaha dhoonde baradar

Tum tou abhi baithe huwe thay mere barabar

Kisne hi naseeb aise ulatt te huwe dekha

Bhai ne galla bhai ka katthte huwe dekha

Na gaha ghasab o taish se haris ye pukara

Bas lout chuke utho ke sar katu tumhara

Uth baitha kaha jald gala kaat humara

Sar kaat ke dariya mai jo tan daala qazaara

Laashe ne kaha poore huwe dil ke iraade

E hijr mujhe bhai ke laashe se milaade

Seene pe rakha seena jigar rakha jigar par

Dou haath madine ki taraf utthe baraabar

Haq se ye duwa ki ke bache akbar o asghar

Shabbir ki ab khair hou hum tou huwe besar

Maadar ko bhulaadijiyo ab yaad humari

Lelijiyo jallaad se tu daad humari