Syed pe pisar apne fida karti hai Bibi

Seene se dillo jaan ko juda karti hai bibi

Chutt thay hai pisar yaad e khuda karti hai bibi

Jo sabr ka haq hai wo ada karti hai bibi

Ghorro pe jo wo dono pur armaan charre hai

Kehti hai ke bete mere parvaan charre hai

Sheh kehte te hamsheer ye kya karti hou dekho

Akbar ko mere bhejo inhe run mai na bhejo

Wo kehti hain sadqe gaye tum is mai na bolo

Bibi ne issi din ke liye paala tha inko

Tum tou inhe run mai nahi bhijwaate hou bhai

Phir kisliye hamsheer se sharmaate hou bhai

Bhijwaane ka Akbar ke na tum naam lou bheya

Akbar ki balaañ inko lage wo rahe jeeta

Awwal tou wo humshakale nabi husn mai yakta

Aur doosre bibi ko hai sehre ki tamanna

Ahsaan mujhe beto ka dagh E shah e deen hai

In mai koi athaara baras ka tou nahi hai

Ye kehti thi kuch dehaaan mai bibi ke jo aya

Phir apne jigar gousho ko khaime mai bulaya

Aae jo pisar beech mai akbar ko bhitaya

Aur aun ko gird inke kaye baar phiraya

Baki jo muhammad ye rutba diya unko

Gehwaara e asghar pe tasaduq kiya unko

Beto ko bhatejo pe fida Kar chuki jis aan

Madar hi ka to dil hai huwa ghum se pareshaan

Boli ke sidhaaro asadullah nigebaan

Tum akbar o asghar pe fida tum pe mai qurbaan

Gul gasht e gulistaan e shahadat hou mubarik

Kousar hou mubarak tumhe Jannat hou mubarik

Amma huwi khaime se rawaan jaanibe maidaan

Kya dekhti hai neher pe hai fouj e faraawaan

Bibi ke jigar gousho pe hai teero ka baraa

Na gaha huwa shour ke mushkil huwi asaan

Lou jaan o dil e dukhtar e syeda gaye maare

Dou roz ke pyaase lab e dariya gaye maare 

Jis wakht ye matam ki khabar shah ne paayi

Rote huwe ghorre pe charrhe taab naa aayi

Abbas se ghabra ke kaha kya karu bhai

Lou zaalimo ne lootli khwaahar ki kamaayi

Ye bhaanjo ka daagh nahi mujhko diya hai

Akbar o asghar ko mere qatl kiya hai

*Run mai jo gaye shah ne tarrupta inhe paaya

Ik laash ko khud ik ko akbar ne uthaaya

Jab dono ko laakar saffe matam pe litaaya

Bibi ko bulaakar shahe deeñ ne ye sunaaya

Tha ishq inhe syeda tahira ke khilaff se

Pyaase gaye pyaase phire dariya ke taraf se

E bibiyo ye kehte thay shabbir ke shehdaa

Jab run mai gire hum tou waha aayi thi Syeda

Roti thi humme aur ye kehti thi wo dukhiya

Shabbir ko zinda nahi chorrenge ye aadaa

Ye karte hai taaqeed wo mujhasta jigar se

Ab jaanay na dena shahe mazloom ko ghar se