Allah Janaiy Ali Wali Ghar Vich

Kayoun Charaghaan Nu Vaikh Rounda Aiy

Kadi Chaadar Nu Vaikh Rounda Aiy

Kadi Dhiyaañ Nu Vaikh Rounda Aiy

Chaa Kay Apnaiy Hatthaañ Tay Aabid  Nu

Shaam Day Baywatan Musafir Nu

Oudi Taliyaañ Tay Bosay Dainda Aiy

Oudi Akhiyaañ Nu Vaikh Rounda Aiy

Saamnaiy Aaway Jadd Koee Qaidi

Oudi Akhiyaañ Chou Athroo Naee Rukday

Howay Paaband Jay O Rasiyaañ Vich

Oudi Rasiyaañ Nu Vaikh Rounda Aiy

Jadouñ Bazaar Chou Guzarda Aiy

Wain Karda Aiy Rou Kay Haaiy Parda

Jithay Turna Aiy Bheerr Vich Dhiyaañ 

Ouna Rahwaañ Nu Vaikh Rounda Aiy

Yaad Aanda Aiy Ali Nu Jain Vailay

Neel Syeda Day Paak Chehray Da

Haaiy Ghurbat Day Wain Karda Aiy

Apnaiy Hatthaañ Nu Vaikh Rounda Aiy

Apnaiy Zakhmaañ Di Fikar Naee Mohsin

Fikar Douwaañ Nu La illa Di Aiy

Dhee Ammamaiy Nu Chum Kay Roundi Aiy

Piu Ridawaañ Nu Vaikh Rounda Aiy

Dar O Deevar Shehr Kufa Day

Kal Jainday Khoon Naal Tar Ho San

Jithay Muslim Di Laash Rulni Aiy

Ouna Galiyaañ Nu Vaikh Rounda Aiy

اللہ جانے علیؑ ولیؑ گھر وِچ

کیوں چراغاں نوں ویکھ روندا اے

کدی چادر نوں ویکھ روندا اے

کدی دِھئیاںؑ  نوں ویکھ روندا اے

چا کے اپنےؑ ہتھاں تے عابدؑ نوں

شام دے بے وطن مُسافر نوں

اودیؑ تَلئیاں تے بوسے ڈئیندا اے

اودیؑ اکھئیاں  نوں ویکھ روندا اے

سامنے آوَے جَد کوئی قیدی

اودی اکھئیاں چوں اَتھرو نئیں رُکدے

ہو وَے پابند جے او رسئیاں وِچ

اودی رسئیاں  نوں ویکھ روندا اے

جدوں بازار چوں گُذر دا اے

وین کردا اے رو کے ہائے پردا

جِتھے ٹُرنا اے بھیڑ وِچ دِھئیاںؑ

اوناں راہواں  نوں ویکھ روندا اے

یاد آندا اے علیؑ نوں جئیں وَیلے

نیل سیدہؑ دے پاک چہرے دا

ہائے غُربت دے وین کردا اے

اپنےؑ ہتھاں  نوں ویکھ روندا اے

اپنے زخماں دی فکر نئی مُحسنؔ

فِکر دووَاں نوں لا اِلا دی اے

دِھیؑ عمامے نوں چُم کے روندی اے

پئیوؑ رِداوَاں  نوں ویکھ روندا اے

دَر و دیوار شہر کوفہ دے

کل جئینڈے خون نال تر ہوسَن

جِتھے مُسلمؑ دی لاش رُلنی اے

اوناں گلئیاں  نوں ویکھ روندا اے