Aaya Jahaaa mai Jis ka Baqir hay Naam

Ho Mubarak Aay Abid Imam

Baqir kay AaJanay pay

Noor-ay Muhammad Chaahnay pay

Perhtay hain Arshee Farshee Bhee 

Darood aur Salaam

Nana wo jo Subaz Qaba hay

Dada tou Khud Deen Panah hay

Baba bhee Sajjad hay Iss ka

Sajdoo ka jo khud Sajda hay

Wahdat ka Makhmoom hay

Yay Hadi Masoom hay

Baqir Naam iss Noor ka 

Laqab iss ka Uloom hay

Nana Dada aur Baba bhee

iss kay hain Imam

Ismat ka Quran jo Aaya

Hasrat say Baqir ko Uthaya

Choom kay Sar Seenay say Lagaya

Aaliya nay phir yay Farmaya

Abid Aayn Tumhara hay

Yay Akbar sa Payara hay

Allah nay Nazil kiya

Hamaray Sabr ka Para hay

Sath yay ho ga Jab main Banu gee Fatahay Shaam 

Ahmad Say Mukhtar hain Aay

Aur Haider Karar hain Aay

Khatoon-ay Jannat bhee Sang hain

Mola Hassan Sardar hain Aay

Chamka Saihan Hussain ka

Wo Syeda kay Chain ka

Farsh payh Manzar ban gaya

Yu Kaba Qosain ka

Noor-ay Panjtan say Jug Mag hay Khushiyooo ki yay Shaam

Rotay hu way yay Bolee Amma

Kitna Wasee hay maira rutba 

Hassan Hussain Sajjad ko Pala

Mairi khushi hay sab say bala 

Pehlay say hee karim thee

Mairi tou yay Tazeem thee

Aangan mai sab noor thay

Yay Aghosh Azeem thee

Abb tou karay ga Baqir bhee mairi goad mai Aaram