Shazada Ali Akbar asws
Ali Akbar ki Manqabat Karna
Sirf Allah ko Zaib Daiyta Hai
Jiss Naiy Aazaan Mai Bhee Naam isska
Joarr Kar Apnaiy Saath Rakkha Hai
Ali Akbar Kay Jism Mai Kyu Kay
Noor-e-Parwardigaar Bassta Hai
Jisne Bazaar-e-Misr Loota Hai
Isskay Naqsh-e-Paa say Sastaa Hai
Issmatoo Kay Falak Sajanaiy ko
Paak Bibi ka Chaand Nikla Hai
Shams Ko Maine Toal Kar Daikha
Isskay Talwoou Say Maand Nikla Hai
Chaand Hotaiy Hain Uss Jaga Roushan
Jiss Jaga Par Yay Paoouñ Rakhta Hai
Chaandni iss ki Muskurahat Hai
Kyu Kay Akbar kay Tan ka Sada Hai
Fakhar-e-Yousaf Mujhaiy Atta Kar kay
Ikk Zamana Mila Diya Mujh ko
Ali Akbar ko Sounp Kar Mujh ko
Maira Nana Mila Diya Mujh ko
Jaisaiy Nana ki Mah Jabeen Mai Tha
Noor Mathaiy Say Wou Nikalta Hai
Mujh ko Nana ki Yad Aati Hai
Jaisaiy Yay Karwatain Badalta Hai
Isska Noori Badan Bananaiy Mai
Arq-e-Wahdat Mai Aayatain Goondeeñ
Rehmatooñ Kay Paraiy Panghat Mai
Ain Wajib Inayatain Goondeeñ
Kis Ka Chehra Yay Kis Ki Aankhain Hain
Kis ki Aadaat Ka Khulasa Hai
Kibriyaa Naiy Kaha Ali Akbar
Mairaiy Mehboob ka Sarapa Hai
