Beparda koi parda nashee(n) hona safar mai

Ya rab na lage aag kisi pyaase ke ghar mai  

Ghum na parre marge pisar se (na) jigar mai

Barbaad na hou ghar koi yu teen pehar mai

Bhai ka katte halk na humsheer ke aage

Par zour kisi ka nahi taqdeer ke aage

Ab nohay ka hangaam hai riqat ki gharri hai

Sheh na rahe bibi pe qayamat ki gharri hai

Darbaar mai ab aamad e itrat ki gharri hai

Haider ke mohibo pe musibat ki gharri hai

Jaa'iz hai haram majlise maikhwaar mai jaae(n)

Abid liye maa beheno ko darbaar mai jaae(n)

Darbaar bhi zaalim ka hai aadil ka nahi hai

Andesha adoo ko haq o baatil ka nahi hai

Wakht iss se ziyaada koi mushkil ka nahi hai

Kuch bas haram e mazloomo muztar ka nahi hai

Manzoor hai ye touk tou gardan mai parre hou(n)

Sab kursiyo pe baite hou saadaat kharre hou(n)

Chal kar kaho hakim se ke haider ke haram hai(n)

Zawwaar payambar ke hai hujaaje haram hai(n)

Dasvi se muharram ke giraftaare sitam hai(n)

Sar khulle hai hum pyaaro ke sar tan se qalam hai(n)

De daad humari ke azeezo se chutte hai(n)

Kaabe ke musafir teri sarhad mai lutte hai(n)

Bibi Ali Akbar ka kahe waqiya saara

Yu neza lagaya ke jigar hogaya paara

Tum kahiyo ke burka mera zalim ne uthara

Naalish mai karungi ke tamaacha mujhe maara

‘Gar poochega wo kya teri marzi hai bataade

Mai hathou ko jorrungi ke baba se milaade

Weerane mai ik ganje shaheeda(n) nazar aya

Khursheed falak khoon mai ghultaa(n) nazar aya 

Ik ghoul liye khanjare bar aa nazar aya

Sab haadiso ke baad ye saamaan nazar aya

Neza pe jigar kaat ke rakha hai nabi ka

Aur rukh hai mere ghar ki taraf fouj e shaqi ka