Bibi Syeda asws
Bharay Darbaar Mein
Roti Rahi Khari, Syeda
Na Janay Kis Tarha (2)
Haq Maangti Rahi, Syeda
Nabi Kay Baad Yeh Kya Ho Gaya Zamanay Ko
Kyun Kalma Go Hai Chalay Tera Ghar Jalanay Ko
Sahay Gi Kis Tarha Tu Yeh Sitamgari, Syeda
Tum Apni marzi se Baba
ko Ro Nahi Sakti
Tum Apnay Ashkon Say Palkein Bhigo Nahi Sakti
Dikhaee Waqt Ne (2)
Keysi Sitamgari, Syeda
Sanad Key Tukrray Hawa Mein
Urra Kay Hasnay Laga
Rasool Zaadi Se Ghustakh
Ese Kehnay Laga
Bata Voh Konsi (2)
Jageer Hai Teri, Syeda
Hasan Hussain Say Sachay
Gava Bhi Jhutlaae
Rula Kay Bibi Ko Zalim
Zara Na Sharmaae
Bhula Na Paaegi
Ummat Ki Be Rukhi, Syeda
Siyaah Baal Jo Maan Kay Safeyd Tar Dekhay
Tauqeer Keysai Kahoon Betiyon ne Sar Peetay
Gaee thi Jis Tarha (2)
Hy Ghar Thaki Thaki, Syeda
Zara Yeh Soch Kay Danish Waron Yeh Batlaao
Nahi Sataaey Gaee Phir Hamay Yeh Samjhaao
To Ronay Kis Liyey Baitul Huzan Gaee, Syeda
Yeh Uski Beti Hai Jisnay Do Lakht Chand Kiya
Voh Jiskay Noor Nay Har Roshni Ko Maand Kiya
Isay Sataao Na Dukhiyari Hai Bari, Syeda
