Bibi Abu turab ki zeenat ka naam hain

Bibi Imamato ki amaanat ka naam hain

Bibi Ali ke khoon ki taharrat ka naam hain

Bibi Hussainiyat ki zaroorat ka naam hain

Maana wajood e shah mai poori hai Karbala

Bibi agar na hou tou adoori hai Karbala

Quran Hussn paya hai inke beyaan se

Aayi Ali ke ghar mai barri aanbaan se

Syeda ke dabdabbe se payamber ki shaan se

Uthri kitaab e haq ki tarha asmaan se

Aayi nizaak e deen ki ismat sawar gayi

Quraañ ke ghar mai nehje balagha uthar gayi

Duniya mai inka dar dar e touba se kam nahi

Inke kaneez Maryam o saara se kam nahi

Par daaghilaafe khaana e Kaba se kam nahi

Al mukhtassar ye sani e Syeda se kam nahi

Bibi unhi ka naam hai bete Imam mai

Jinke liye Hussain uthe ahteraam mai

Noor e nigahe dilbar e Shabbar ke shakl mai

Aun o muhammad o Ali asghar ki shakl mai

Noor e nazar Shabbee hai payambar ki shakl mai

Abbas e bawafa se dilavar ki shakl mai

Karbobala ke waaste ki daar dhaal kar

Har Umar ka Ali diya Bibi ne paal kar

Houkar aseer deen ko azaad kardiya

Nazook mizaaj kalb ko faulaad kardiya

Mehshar talak yazid ko barbaad kardiya

Andaaz e intikaam ka ehjaad kardiya

Buniyaad rak ke zikr shahe mashriqain ki

Kasre sitam se aayi sada ya Hussain ki