Chadaron ka naam sunkar ro pari binte ali

Sham ke darbar mai

Wa hijaba keh rahi thi Syeda ki laadli

sham ke darbar mai 

Kursiyo par qaatilane shah thay baithe hue

saaya e deewar may thay sab haram lekin kharay

bawafa ko dhoondti thi dukhtare shere jari

sham ke darbar mai 

kaun hai Bibi pukara jis gharri firaune shaam

haye ghurbat kehke utha tha mera qaidi imam

ashk khoon ke ro raha tha shah ka beta ali

sham ke darbar may

shimr dekha to Masooma sehm kar ronay lagi

door hoja shimr Uma zor se kehne lagi

khauf se murjha rahi hai baaghe ismat ki kali

sham ke darbar mai 

hukm haakim ne sunaya maar do bemaar ko

is jagah hi qatl kar do kaafila salaar ko

gir pare Abid ke upar haye nazon se pali

sham ke darbar mai

tasht may baba ke sar par jab pari uski nazar

apne zakhmo ki rahi na phir Masooma ko khabar

daurrti baba ki jaanib laadli beti chali

sham ke darbar mai 

zaalimo ko mil rahe thay zulm karne par enaam

kehkahan par keh kahe thay jaam par chalte thay jaam

rotay rotay shaam logon aale ahmed ko dhali

sham ke darbar may

chadaron ka naam sunkar....

jab ali akbar ke sar ko saamne laaya gaya

hogayi behosh maa se na sambhal paaya gaya

dukhtarane Syeda parne lagi nade ali

sham ke darbar mai

Bibi e kubra ne rokar jis ghadi khutba diya

haye e tauqeer abid ka badan tha kaampta

hathkadi par maarta tha sar wali ibne wali

sham ke darbar may