Mola Abbas asws
Dastan e Shuja’at ka daraein mein
Aik bay misl kirdaar Abbas hain
Hain Ali kay athaara hi betay Ali
par sabhi mein Alamdar Abbas hain
Sahib e takht e aqleem e ghairat hain yeh
Aur chiraagh-e-hareem-e-sharafat hain ye
Dur e shehwar baihr e sakhawat hain ye
Haq to yeh hai ke haq ki haqeeqat hain ye
Wo duaein jo Bibi nay sajdon mein keen
un duaon ka maya’ar Abbas hain
In kay lehjay mein Hashim ki hashmat bhi hai
In kay tewar mein Hamza ki haibat bhi hai
Har adaa in ki Imran ka aks hai
In ki baahon mein Jaffar ki taaqat bhi hai
Pyaar hai Mustafa ka Hussain o Hassan
Aur Hasnain ka pyaar Abbas hain
Dakhl-e-azmat ka shireen samar hain yehi
Ismaton kay sadaf kay gohar hain yehi
Noor ki sidratul muntaha hain yehi
Hashmi aasmaan kay qamar hain yehi
Jin kay saaye mein Akbar bhi paltay rahay
Husn ka aisa meenaar Abbas hain
