E Shahe Khurasan teri shouqat ke tassaduq

E noor e mujassim teri soorat ke tassaduq

Al taaf ke qurbaan anaayat ke tassaduq

Aaqa teri tanhaaiy o ghurbat ke tassaduq

Hou muztaribul haal ke rehta hou qalaq mai

Mamduhe dua chaahiye maddaah ke haq mai

Ma’moon ne jab shahe khurasan ko bulaaya

Zarre ne faroughe maahe taabaa ko bulaaya

Gumraah ne khizre rahe eeman ko bulaya 

Nacheez ne shehenshahe douraa ko bulaya

Aapas mai sukhan tha yehi darwaish o ghani ka

Veeraan huwa chahta hai shehr e nabi ka

Karte hai bayaa rahvi e akhbaar e musibat

Manoos thi hazrat se bohat khwaahar e hazrat

Thi khwaahar e yusuf ki tarha aap se ulfat

Chaayi thi shab e subho safar e ghum ki jo zulmat

Shaam e ajal us raat ki ik aik gharri thi

Aati na unhe neend ke tashveesh barri thi

Lou ahle aza ro pareshaan ka safar hai

Hai hashr bapa shahe khurasan ka safar hai

E matamiyo malik e emaan ka safar hai

Veeraa hai madina shahe zeeshaan ka safar hai

Hai kooch giraftaare jaffa houte hai aqa

Ab qabar e muhammad se juda hote hai aqa

Mamoon ne tauqeer na kuch samjhi raza ki

Aaye jo khurasan mai tou zaalim ne jaffa ki

Mehboob e ilaahi ke nawaase se dagha ki

Mola ko diya zehr duhaayi hai khuda ki

Thi shaaq e judaayi shahe waala ko pisar se

Ghum ye tha ke ghurbat mai chale jaata hai ghar se

Hazrat ko bohat shaan se mamoon ne bulaya

Israar se phir aap ko angoor khilaaya 

Angoor mai qaatil ne diya zehr tha kesa

Tukrre huwa dil syeda ke lakht e jigar ka

Nikle na thay baahir ke qayamat huwi barpa

Sou tukrre kaleja huwa murjha gaya chehra

Teyaar thi waha mayat e shehenshahe waala

Nazro mai sab ke huwi jo duniya tah o baalaa

Sar peet te thay ahle wila haal boora tha

Ghul tha ke chala dehr se ehmad ka nawaasa

Route thay waha har samaah laashe shahe deen par

Mazloomo ki fariyaad se tha aalam e mehshar