Ghar se jab behre safar Syed e Aalam nikle...

Sar jhukaaye huwe baadeeda e purnam nikle...

Kheesh o farzand paraaband ke bahum nikle

Roke farmaya ke is shehr se ab hum nikle...

Raat se giriya e amma ki sada aati hai

Dekhe kismat humme kis dasht mai lejaati hai

Rukh kiya Shah a.s. ne sooye kabr Shehnshah e anaam...

Behre tasleem jhuke muttasil e baab e salaam...

Izn paakar jo gaye kabr ke nazdeek imam

Arz Ki aaya hai aj aakhari ruksat ko ghulaam...

Ye makaa humse ab e Shah e zaman chuthta hai...

Aaj Hazrat ke Navaase se watan chuthta hai ...

Chain se sab hai gharo mai humme milta nahi chain...

Sakht mushkil mai phasaa Aapka ye Noor ul ain ...

Tukrre dil hota hai jab ro ke haram karte hai bain...

Nunne bachho ko bhala leke kidhar jaye Hussain...

Shehr mai chain na jungal mai ama milti hai....

Dekhiye kabr e musafir ko kaha milti hai...

Ye bayaan karke jo tahveez se lipte sarwar

Yu hili qabr ke tharaayi zari e anwar

Aayi turbat se ye awaaz e habib e daawar

Teri ghurbat ke mai sadqe mere mazloom pisar

Koi samjha na meri goud ka pala tujhko

Hy aada ne madine se nikala tujhko

Kay din se teri maadar ko nahi kabar mai chain

Aayi thi shab ko mere paas ye karti huwi bain

Ghar mera lutttha hai fariyaad rasool e saqlain

Subha ko apna watan chorr ke jaata hai Hussain

Kehne aayi hou ke mou kabar se morrungi mai

Apne bache ko akela tou na chorrungu mai

Sheh pukaare ke khuda hafiz o nasir amma

Aap se houtha hai rukhsat ye musafir amma

Muddat e zeest koi dam mai hai akhir amma

Ab nahi aas ke aana hou yaha phir amma

Samjhte hum laahde aik hi ja houwengi 

Kya qayamat hai ke kabre bhi juda howengi

Aa ke abbas ne sar rakhdiya paayi ne mazaar

Aayi awaaz ke amma tere hathou ke nisaar

Apne pyaare ke baraabar mai tujhe karti hou pyaar

Jaan bhai ki hifazat ka rahe e dildaar

Koi ghurbat mai isse maar na daale beta

Mera Shabbir hai ab tere hawaale beta

Bolle Shabbir ke ye ahle wafa hai amma

Mai fida is pe hou ye mujh pe fida hai amma

Is ke dam se mere jeene ka mazaah hai amma

Ye biraadar mujhe beto se siva hai amma

Khalq mai haider e karaar ka saani hai ye

Paas e shabbir ke baba ki nishaani hai ye