Mola Hussain asws
1) Hum Se Gham e Shabbir Bhulaya Nahi Jata
Yeh Daag Kalejay Say Mitaya Nahi Jata
2) Itne Tan e Shabbir Pay Hai Teer Numaya
Bachi Ko Bhi Seenay Say Lagaya Nahi Jata
3) Qasim Ki Na Umeed Rakho Madar e Qasim
Lashe Ki Yeh Haalat Hai Kay Laya Nahi Jata
4) Uthty Hain Kabhi Baithty Hain Mola Akele
Kiya Lasha e Farzand Uthaya Nahi Jata
5) Hai Lasha e Akabr Pay Bhujhi Piyas Ki Hichki
Khat Dukhya Baiti Ka Sunaya Nahi Jata
6) Matam Main Nisar Askh Bahane Kay Yeh Din Hain
Mela To Muharram Main Manaya Nahi Jata
