Insaañ Ke Liye Maut Hai Gham Be Watani Ka

Jaankah Hai Anduh-O- Alam Bewatani Ka

Sadma Nahi Kuch Mout Se Kam Bewatani Ka

Aafath Hai Qayamath Hai Sitam Bewatani Ka

         Kantoun Ke Alam Syed-E- Sajjad Se Poocho

         Eizaa-E- Safar Muslim-E- sardaar Se Poocho

Ki Sakht Dagha Kufiyoun Ne Ghar mai Bula Ke

Sab Phir Gaye Jin Logoun Ke Daawe The Wafa Ke

Lakhoun Hai Adu Jaaen Kidhar Jaan Bachake

Mushkil Me Giraftar Huwe Kufe Me Aake

         Yawar Nahi Hamdam Nahi Ghamkhwaar Nahi Hai

         Narghe Me Hain Aur Koi Madadgaar Nahi Hai

Hain Sangdil Aise Wo Jafaakaar-O- Sitamgar

Kotthou Se Lagaane Lage Mazloom Pe Pathar

Noorani Badan Hogaya Majrooh Sarasar

Aur Saamne Se Mu Pe Laga Zulm Ka khanjar

         Kyun Gir Na Parra Haye Falak Phat Ke zameen Par

         Laale Lab-E- Jaan Baqsh Gire Katke zameen Par

Ye Kahte The Muslim Ke Laeenoun Ne Kazaara

Ek Sange Sitam Is Lab e Majrooh pe Mara

Resh Aur Garebaan Mai Lahu Bhar Gaya Saara

Jab Haal Ye Pohuncha To Kaha Jang Ka Yaara

         Aada Se Kaha Dil Mai Zara Rehm To Jaa Do

         Ghash Aata hai Paani Mujhe thorra Sa Pilado

Kab sunte thay syed Ka sukhan Zulm Ke Baani

Thay Qatl Ki Tadbeer Mai Wo Dushmane Jaani

Le Aai Zaeefa Wahin Ek Jaam Mai Paani

Qismath Ne Magar Bujhne Na di Tishna Dahani

         Sookhi Huwi Thi Gul Si Zabaan khushk Gulu Tha

         Us Paani Ko Mu Se Jo Lagaya To Lahu Tha

Phainka Usse Jab Khaak Pa BaaDeeda e Giryaa

Ek Jaam Zaeefa Ne Diya Phir Unhe Os Aa

Peene Bhi Na Paya tha Koi Ghoont Wo Zeeshaa

Paani Me Juda Hoke Gire Gouhar-E- Dandaa

         Farmaya Ke Saabit Huwa Pyaase Hi chalenge

         Ab Saaqiye Kousar Humme Sairaab Karenge

Dushman To Kayi Sow Thay Ye Be Yaar-O- Madadgar

Barshi Kabhi Parrhti Thi Kabhi Parrhthi Thi Talwar

Andu Pe Andu Thay Aazaar pe Aazaar

Kis Aas Se Ek Aik Ka Mu Takte thay Har Baar

         Baazu Ko Sitamgaar Jo Bandhe thay Rasan Se

         Fawwara e Khoon Chatta Tha Har Zakhm e Badan Se

Farmaake Ye Gardan Tarafe Qibla Jhukaayi

Shamsheer Jafaakaar Ne Chamka Ke Uthaayi

Aawaaz Ye Makhdooma-E- Kounain Ki Aayi

Jaata hai Har Awwal Mere Bacche Ka duhaayi

         Is Zulm Se Baaz Aa, Jo Khuda Ka Tujhe Dar Hai

         Zaalim Sar-E- Muslim pe Mera Haath Sipar Hai

Syeda Ne kayi baar tarrap Kar Ye Pukara

Kya Dil Tha Ke Mutlaq Na Dara Wo Sitam Aara

Zalim Ne Kayi Zarb Me Sar Tan Se Utaara

Phatt-Ta Hai Jigar Ab Nahi Goyaayi Ka Yaara

         Likha Hai Chala Leke Jo qaatil Sar-E- Muslim

         Koutthe Ke Talay Phaink Diya Paikar-E- Muslim

Sab zakhme badan phatt gaye maqtool e jaffa ke

Ik Chout lagi dil pe rasool e dou sira ke

Agoush mai haider ne liya laash ko aake

Ye bain kiye syeda ne ashk bahake

   E bewatan e sabiro shakir tere sadqe

   Hy hy mere mazloom musafir tere sadqe