Shaam e Ghareebaan
Kya raha khaimon may Sheh kay ek udasi reh gayi
Sirf Ronay ko Mohammed ki nawasi reh gayee
1. Saj gayee Qasim kay Tukroun say udhar Karb-o-bala
Maa idhar bete ki dulhan ko sajaati reh gayee
2. Cheenta tha Shimr chadar aur Bibi baar baar
Apni chadar kay muhafiz ko bulati reh gayee
3. Khoon-e-dil Abbas kaa sub beh gayaa run may magar
Dil main bus ek baat Bibi ki rida ki reh gayee
4. Aay Musalmano tumhari ghayratain kya ho gayeen
Tum tamashaayee thay Bibi mu chupati reh gayee
5. Qaid main Bali Masooma ko mila baba ka sar
Mu pay mu rakh kar joo sooyee maa jagati reh gayee
6. Maadar-e-Asgher na baithi saye main Asgher kay baad
Saayea main aayee to zinda laash baqi reh gayee
7. Har tamachay par Masooma mu pay rakh kar nanhay haath
Neel rukhsaaron kay Ghazi ko dikaati reh gayee
8. Aa gayee Rehan o Sarwar Karbala say lout kar
Aaj tak khushboo badan main Karbala ki reh gayee
