Ma Humse Razi Rehna

Laashe jab Aun o Muhammad ke utha laae Hussain

Poocha Bibi ne Shabbir se karte huwe bain

Mere bacho ne wasiyat bhi koi ki bheya

Ro ke Bibi se ye kehne lage us wakht Hussain

Thi yehi aun o muhammad ki wasiyat behna

Akhri hijki mai kehte te ke amma se ye kehna

Ma hum se raazi rehna

Thi yehi aun o muhammad ki wasiyat behna

Dard seene mai jo uthta hai teherta bhi nahi

Khoon aankho se jo behta hai wo rukta bhi nahi

Aap ki hum ne wasiyat na bhulaayi amma

Pani peena tou kuja pani ko dekha bhi nahi 

Zakhm itne hai ke mushkil huwa ab dard ko sehna

Amma nana ne duaae di humme barh barh kar

Aur dada ne kaha jeete raho jaan-o-jigar

Kitni raahat mili hum kaise bataae amma

Wakht e akhir jo liya mamu ne agoush mai sar

Unki agoush mai ye mout lagi phoolo ka gehna

Amma hum sadqa hai akbar ka humme mat rona

Koi sadqe ke liye aanso bahaata hai kya

Bheya Akbar ki barri dhoom se shaadi karna

Hum rahe na rahe jeeta rahe Akbar tera

Tere shahzaado ne hai mout ka sehra pehna

Amma aap lout ke jis wakht watan jaaengi

Khali hujro mai waha hum ko nahi paaengi

Aapko baba ki kasam sabr waha par karna

Hum ko maaloom hai us wakht tarrapjaaengi

Yaad aajaega jis wakht humara kehna