Shahzada Ali Asghar asws
Madar Ka Yeh Armaan Tha
Madar ka yeh armaan tha,
Aabaad maka hogha
Eik rowz woh aayegha,
Asghar bhi jawaan hogha
Logo mere baachey ko,
Maqtal sey utha lawo (x2)
Wahan dhoop ki shidat haiy,
Betaab parah hogha
Tum ghowd mei sowtey they,
Kuy ghor pasand aayi (x2)
Wahan khaak bistar haiy,
Aaraam kahan hogha
Asghar tere jhuley ko,
Ab kown jhulaegha (x2)
Mei shaam chali beta,
Ab kown yahan hogha
Laash Aaee Jo Asghar ki
Maa Ro Kay Yay Kehtee thee (x2)
Baita Tum Gaaiy Yahaan Say
Abb kon Jawaañ Hogha
Har maa tujey duniya ki,
Roweyghi qayamat tak (x2)
Jab teri shahadat ka,
Majlis mein bayan hogha
Ye karbobala ka ban,
Aur shaam ka woh zindaan (x2)
Maa teri kahan hoghi,
Tun laal kahan hogha
