Mulq e wafa ko naaz hai Ummul Baneen par

Khaq e shifa ko naaz hai Ummul Baneen par 

Kul Karbala ko Naaz hai Ummul Baneen par 

Hadh hai Khuda ko naaz hai Ummul Baneen par

Ummul Baneen malka e azmo sabaat hai

Mushkil kusha Ali ke shareeqe hayaat hai (2)

Is ghar mai bheek lene farishte bhi aae hai

Chouhkat pe chand taare jabeene jhukaae hai

Aakar bahisht waalo ne jhule jhulaae hai

Bachou ne roti bhej ke soore mangaae hai 

Binte Nabi jaha pe dulhan banke aayi hai

Ummul Baneen bhi waha tashreef laayi hai

Hai aur bibiyo ki bhi quran mai misaal

Jo hou saki na apne hi shouhar ki humkhayal

Qudrat ko na pasand rahi jinki chaal dhaal

Ghar mai Nabi ke bunti rahi saazisho ke jaal

Saabit huwa ke ghar mai chali aana aur hai

Ismat ke rang dhang mai dhaljaana aur hai

Ummul Baneen ne paya hai ghar ahle bayt ka

Hai inke saat saat safar ahle bayt ka

Inki duwaao mai hai asar ahle bayt ka

Wajhhe sharaf hai choomna dar ahle bayt ka

Dehleez e Syeda hai aur inki jabeen hai

Ha ye ammal bhi seerate Ummul Baneen hai

Ummul Baneen Karbobala ki Ameen hain

Syeda ki Aarzoo hain Ali ka Yaqeen hain

Mazhab Bahadari ka Shujaat ka Deen hain

Bus itna hee bohat hai ye unmul baneen hai

Shehray Wafa Mai Aj bhee Inn kay Ujalay hain

Mola Ali kay Chaar Ali Jiss nay Palay hain

Beti yay Shair ki Hain Tou Shouhar bhee Shair hay

Binte Asad kay Saaiy mai Taywar bhee Shair hay

Maalik bhee Ghar ka Shair hay Nokar bhee Shair hay

Jis ko Paal dain Wou Ghazanfar bhee Shair hay

Inn ka Pisar Taraee ko Maskan banaay Ga

Har Haal main Furaat ko Pani Pilaaay Ga

Syeda ki Hasratoo ka Qamar kon Inn ka Laal

Haybat main Murtaza ka badal kon Inn ka Laal

Naqsh o Nigaar ay Lohh o Azal kon Inn ka Laal

Dunyaa kay har Sawal ka Hal kon Inn ka Laal

Parsham Khula huwaa hay Wafa kay Jalaal ka

Hay Taziyay say Aagay Alam Inn kay Laal ka

Kirdar kay Kamaal ka Abbas Naam hay

Haider kay Jalaal ka Abbas Naam hay

Shabbeer ki Dhaal ka Abbas Naam hay

Ummul Banee kay Laal ka Abbas Naam hay

Panjja Jo ZouFagan hay Alam pay Yaqeen ka

Suraj Chamak raha hay yay Ummul Baneen ka

Ay Zindagi Hayat ka Unwaan Maang lay

Juz Daan-ay Fikr kay leeyay Quran Maang lay

Nayyar Zubanay Meesam o Salman Maang lay

Jo kuch bhee Maangna hay Musalman Maang lay

Naad-ay Ali ki Tarah Zamanay ko Yaad hay

Ummul Baneen Madaray Babul Muraad hain