Naam hai mera Masooma mai hu binte Shabbir

Naam hai mera Masooma mai hu binte Shabbir

Qalum-ay noor se likhi gaee meri taqdeer

Mere baba ki zamaane mai nahee koi nazeer

Wo hai Quran-ay mubeen aur mai unki tafseer

Fakhar is baat pe hai bar sare seena mai hou

Sabar e sarwar ki anghuti ka nageena mai hou

Mere baba hai Hussain Aur hai dada Haider

Dadi Syeda hai tou dada hai shafi e mehshar

Bhai Sajjad hai Akbar bhi hai aur hai Asghar

Aik hi Abbas tou hai doosre amo Shabbar

Karbala meri Najaf mera Madina mera

Mukhtassar ye hai k hai naam Masooma mera 

Faazila mai hou fazail bhi fazeelat mai hou

Hoon mai akram bhi kareema bhi karaamat mai hou

Shahe konain ke bete ki zaroorat mai hou

Parh ziyaarat meri Shabbir ki baz-att mai hou

Mai bhi bighri huwi taqdeer banasakti hou

Apni thoukar se mai murde ko jeela sakti hou

Zulmo ko sabr ki tasveer dikhane ke liye

Nehr se fouj sitamgar ki bhagaane ke liye

Umar e Saad ki auqaat bataane ke liye

Soora e azm se ik harf e jali laayee hou

Saath Abbas nahi Nade Ali layee hou

E musibat ke giraftaar pareshaan na hou

Khaaq hojaayenge sab khaar pareshaan na hou

Honge sab raste humwaar pareshaan na hou

Mere baba ke azaadar pareshaan na hou

Behre imdaad tere paas challe aaenge

De mera waasta Abbas challe aaenge

Farsh e majlis meri khwaahish hai bhichaaye rakhna

Apni palko pe sadaa ashk sajaae rakhna

Taziya sar pe alam dil se lagaaye rakhna

Apni palko pe sadaa ashk sajaae rakhna

Koun kehta hai k baatil hai tumhaare aanso

Khuld mai rakhne k qaabil hai tumhaare aanso

Koi kehte mera bhai Ali Asghar roya

Hurmula roya teri fouj ka afsar roya

Teer bhi roya hai talvaar bhi khanjar roya

Zikre aik dou ka nahi sara hi lashkar roya

Aik tabassum se teri fouj ko vo maar gaya

Jang cheh maha ke besheer se tu haar gaya