Pyaari Amma Bataade Mujh Ko

Patthar Kyu Arahe Hain 

Kaisa Hai Ye Chiraghaa

Dil Doobe Ja Rahe Hain 

Kya Shaam Aagaya Hai

Hain Loag Kiss Tarha Kay 

Hum Say Dua Karaaiyn

E Qaidiyoun Dua Do

Yay Din Na Hum Pay Aaaiyn

Lay Kar Duaaiyn Hum Say

Dill Bhee Dukha Rahain Hain

Maaou’n Ki Goudiyoun Say

Liptaiy Huwe Hain Bache

Hain Haath Rassiyoun Mai

Maaou’n Say Ese Jakrre

Bache Jo Girr Rahe Hain 

Wou Martaiy Ja Rahe Hain 

Houne Lagi Azanai’n

Kaisay Saroo’n Ko Dhanpe

Bazu Bandhe huwe Hain 

Khoo’n Rou Rahee Hain Aankhain

Aankhoo’n Kay Khoo’n Say Raste

Khoo’n Mai Nahaa Rahe Hain

Kyu Qafla Ruka Hai

Bajte Hain Shaad Yaane

Lehraa Rahe Hain Aadaa

Khush Ho Kay Taaz Yaane

Kyu Jashn Ka Samaa Hai

Sab Muskara Rahe Hain 

Karne Laga Talawat 

Neze Pay ibn-e-Haider

Namoos-e-Mustafa Kay

Sar Pay Nahee Hai Chaadar

Nazroou’n Ko Ashqiyaa Ki

Sarwar Hatta Rahe Hain 

Naizoou’n Pay Jitne Sar Hain 

Aik Sar Hai Unn Mai Esa

Aankhain Hain Band Uss Ki

Aur Khaak Par Hai Girtaa

Abbas Ka Yay Sar Hai

Taiywar Bataa Rahe Hain 

Itna Chalay Hain Paidal

Kaantto Pay Saare Qaidi

Thak Jaati Chalte Chalte 

Chalti Agar Zamee’n Bhee

Paoun Kay Aable Bhee

Rou Kar Bata Rahe Hain 

Neze Pay Rou Raha Hai

Mushkil Kusha Ka Beta

Namehramoou’n Kay Labb Par

Aaya Hai Naam Maira

Mujh Ko Kaneez Zaade

Youn Bhee Rulaa Rahe Hain 

Wou Fazl Houn Kay Baqir

Abid Ki Bairriyoun Par

Karne Ko Sardd Bairri

Chullou Mai Paani Bhar Kar 

Wou Jalti Bairriyoun Par 

Paani Baha Rahe Hain 

Rehan Qaidiyoun Mai 

Barpaa Tha Shour-e-Girya

Palkoun Say Kar Rahee Thee’n

Matam Jo Bint-e-Syeda

Sajjad Noha Khaa’n Hain 

Noha Suna Rahaiy Hain