Bibi Masooma binte Hussain asws
Thay Bain Masooma Ke Lo Jald Khabar Baba
Lagta Hai Andhero Se, Zindaan Mai Ddar Baba
Tareek andhero mai
Hu qaid bohat din se
Ab yaad nahi kesi
Houti hai seher baba
Hai Kaan Mere Zakhmi Aur Khak Hai Baloon Par
Bohseeda Mera Kurta Hai Khoon Mai Tar Baba
Behta Hai Lahu Ab Tak Zakhmi Mere Kaano Sai
Kheenche Hai Sitamgar Ne Is Tarha Gohar Baba
Mai Shaam Kai Zindaan Mai Ghut Ghut Kai Na Mar Jaaoo
Ek Pal Ko Nahi Khulta Zindaan Ka Dar Baba
Ay Baba Buhut Maine Tha Yaad Keya Tumko
Par Dekhne Beti Ko Aye Na Magar Baba
Turbat Pai Mere Baba Ek Shamma Jala Dena
Mai Apke Ane Tak Guzar Jao Agar Baba
